کراچی: سندھ حکومت نے پولیس کی تفتیشی صلاحیت مزید بہتر بنانے کیلیے 2 ہزار اے ایس آئی انویسٹی گیشن بھرتی کرنے کا فیصلہ کر لیا۔
چیف سیکریٹری سندھ آصف حیدر شاہ کی زیرِ صدارت سروس اسٹرکچر کمیٹی کا اجلاس ہوا جس میں انہوں نے کا کہ تفتیشی صلاحیت کی بہتری کیلیے 2 ہزار اے ایس آئی بھرتی کریں گے، اقدام پولیس کی تحقیقاتی صلاحیتوں کو بہتر بنانے کیلیے اہم ہے۔
آصف حیدر شاہ نے کہا کہ پولیس کی انویسٹی گیشن برانچ بہتر بنا کر جرائم پر قابو پایا جائے گا۔
یہ بھی پڑھیں: سندھ پولیس میں بھرتی کے خواہشتمند افراد کیلیے اچھی خبر
اس موقع پر آئی جی سندھ غلام نبی میمن نے کہا کہ اے ایس آئی انویسٹی گیشن کی بھرتی سے تفتیش کے معیار میں بہتری آئے گی، بہتر تفتیش سے انصاف کی فراہمی اور جرائم پیشہ عناصر کی گرفت ممکن ہوگی۔
اجلاس میں کراچی پولیس کے 1038 پوسٹس کو انویسٹی گیشن یونٹس میں منتقل کرنے کی منظوری دی گئی، 2 ایس پیز، 17 ڈی ایس پیز، 114 انسپکٹرز، 308 سب انسپکٹرز اور 587 کانسٹیبلزز شامل ہیں۔
پوسٹس کو نان انویسٹی گیشن یونٹس سے کراچی رینج انویسٹی گیشن یونٹس منتقل کیا جائے گا۔
