کراچی: سندھ ہائی کورٹ نے صنعتوں کے لیے گیس ٹیرف میں اضافے کے لیے سوئی گیس کی درخواست مسترد کردی ہے۔
تفصیلات کے مطابق ہائی کورٹ کے 2 رکنی بینچ نے سنگل بینچ کے فیصلے کو برقرار رکھنے کا حکم دیا ہے۔ عدالت نے 15-2014 میں گیس کی قیمتوں میں اضافے کا نوٹی فکیشن غیر قانونی قرار دے دیا۔
سنگل بینچ نے صنعتی یونٹس کے لیے گیس کی قیمتوں میں اضافے کا نوٹیفیکیشن سنہ 15-2014 کالعدم قرار دے دیا تھا۔
عدالت کا کہنا ہے کہ اوگرا کا نوٹی فکیشن مشترکہ مفادات کونسل کے طے شدہ اصولوں کے برخلاف ہے۔
