سندھ صرف کالا باغ ڈیم کا مخالف ہے، شرجیل میمن -
The news is by your side.

Advertisement

سندھ صرف کالا باغ ڈیم کا مخالف ہے، شرجیل میمن

کراچی: پیپلز پارٹی کے رہنما شرجیل انعام میمن کا کہنا ہے کہ نئی حکومت فی الحال نیٹ پریکٹس کررہی ہے، سندھ صرف کالا باغ ڈیم کا مخالف ہے۔

تفصیلات کے مطابق شرجیل انعام میمن نے میڈیا سے گفتگو کرتے ہوئے کہاکہ ہم نئی حکومت کے لیے نیک خواہشات کا اظہار کرتے ہیں پرویز مشرف سے متعلق سوال پر شرجیل میمن نے تبصرے سے گریز کیا ۔

یاد رہے کہ شرجیل میمن ودیگرکےخلاف پونے6ارب کرپشن ریفرنس کی سماعت آج ہورہی ہے، نیب کے گواہ کےبیان پر ملزمان کے وکلا آج جرح کریں گے

انہوں نے کہا کہ نوا ز شریف کو صرف 2 ماہ جیل میں رکھا گیا اور پھر ان کی اپیل منظور ہوگئی ، ہمارے ساتھ کچھ اور سلوک کیا جاتا ہے، ہم ایک سال سے قید میں ہیں۔

سابق صوبائی وزیر کا کہنا تھا کہ میں ڈیم کےلیےصرف دعائیں دے سکتا ہوں، انہوں نے مزید کہا کہ سندھ تمام ڈیموں کی تعمیر کا مخالف نہیں ، بلکہ صرف کالاباغ ڈیم کے خلاف ہے جس سے سندھ کی زمینیں بنجر ہوجائیں گی۔

شرجیل میمن نے گفتگو کرتے ہوئے دعویٰ کیا کہ سندھ حکومت ہمیشہ کی طرح اس باربھی روزگارفراہم کرےگی۔

یاد رہے کہ کچھ دن قبل نجی اسپتال میں زیرِ علاج شرجیل انعام میمن کے کمرے سے شراب بر آمدگی کے کیس میں سابق صوبائی وزیرِ اطلاعات کو شریکِ جرم قرار دے دیا گیا تھا۔ جس کے بعد عدالت کے حکم پر انہیں جیل منتقل کیا گیا۔

Comments

comments

یہ بھی پڑھیں