The news is by your side.

سندھ میں بلدیاتی انتخابات: سپریم کورٹ نے فیصلہ سنا دیا

اسلام آباد: صوبہ سندھ کے بلدیاتی انتخابات سے متعلق درخواستوں کا فیصلہ سناتے ہوئے سپریم کورٹ نے 28 اگست کو ہی انتخابات کرنے کا حکم دیا ہے۔

تفصیلات کے مطابق سپریم کورٹ نے سندھ بلدیاتی انتخابات سے متعلق درخواستیں نمٹا دیں، فیصلے میں کہا گیا ہے کہ دوسرے مرحلے کے سندھ بلدیاتی انتخابات 28 اگست کو ہی ہوں گے۔

سپریم کورٹ کی جانب سے کہا گیا کہ ایم کیو ایم پہلے مناسب فورم سے رجوع کرے، حقائق کا تعین ہونے پر ہی قانونی نکات عدالتوں میں اٹھائے جا سکتے ہیں، کوئی بھی آئینی عدالت حقائق کے درست تعین کے بغیر فیصلہ نہیں کر سکتی۔

عدالت نے کہا کہ جو نکات ہائی کورٹ میں نہیں اٹھائے گئے انہیں اپیل میں براہ راست نہیں سنا جا سکتا، جماعت اسلامی اور تحریک انصاف نے انتخابات شیڈول کے تحت ہونے کی استدعا کی۔

جماعت اسلامی کے سربراہ حافظ نعیم الرحمان کا کہنا تھا کہ بلدیاتی انتخابات پہلے ہی ڈھائی سال تاخیر کا شکار ہیں، عدالت سے درخواست ہے کہ انتخابات ملتوی نہ کیے جائیں۔

انہوں نے کہا کہ مردم شماری اور ووٹر لسٹس پر اعتراضات ہیں، مردم شماری کے خلاف صوبائی حکومت بھی مجاز فورم پر اعتراض کر چکی ہے۔

چیف جسٹس کی جانب سے کہا گیا کہ مناسب ہوگا کہ ہائی کورٹ میں درخواست دائر کریں۔

سپریم کورٹ فیصلے پر عملدر آمد کی تحریک انصاف کی درخواست بھی نمٹا دی گئی، عدالت نے کہا کہ تحریک انصاف اختیارات منتقلی کے یکم فروری کے فیصلے پر عملدر آمد کے لیے درخواست دائر کر سکتی ہے۔

چیف جسٹس نے مزید کہا کہ الیکشن کسی صورت ملتوی نہیں کریں گے۔

Comments

یہ بھی پڑھیں