The news is by your side.

Advertisement

سندھ بلدیاتی انتخابات، الیکشن کمیشن کا بڑا فیصلہ سامنے آگیا

کراچی: صوبہ سندھ میں بلدیاتی انتخابات کے دوسرےمرحلے کا نظر ثانی شدہ شیڈول جاری کردیا گیا۔

صوبائی الیکشن کمیشن کے مطابق کاغذات نامزدگی جمع کرانےکی تاریخ میں چار دن کی توسیع کردی گئی ہے، دوسرے مرحلے کے انتخابات میں حصہ لینے کے خواہش مند افراد اب 15 جون تک اپنے کاغذات نامزدگی جمع کراسکتے ہیں، امیدواروں کی ابتدائی فہرست 16جون کوجاری کی جائےگی جبکہ 17سے19جون تک کاغذات نامزدگی کی جانچ پڑتال کی جائےگی۔

ترجمان کے مطابق کاغذات نامزدگی مسترد یا منظور کرنےکےخلاف 20سے22جون تک اپیل کی جاسکےگی، 27 جون کو ظرثانی شدہ فہرستیں آویزاں کی جائیں گے، 28 جون کوکاغذات نامزدگی واپس لیےجاسکیں گے جبکہ 29 جون کو انتخابی نشانات الاٹ کیےجائیں گے۔

یہ بھی پڑھیں: سندھ بلدیاتی انتخابات پہلا مرحلہ، 946 امیدوار بلامقابلہ منتخب

صوبہ سندھ میں بلدیاتی انتخابات کے دوسرے مرحلے کے لئے پولنگ چوبیس جولائی کو ہوگی جبکہ اٹھائیس جولائی کو بلدیاتی انتخابات کے سرکاری نتائج جاری کئے جائیں گے۔

واضح رہے کہ سندھ میں اس بار دو مرحلوں میں بلدیاتی الیکشن کا انعقاد عمل میں لایا جارہا ہے، سندھ میں پہلے مرحلے کے بلدیاتی انتخابات 26 جون کو ہوں گے۔

ادھر سندھ میں پہلے مرحلے میں 14 اضلاع میں ہونے والے بلدیاتی انتخابات میں 946 امیدوار بلامقابلہ منتخب ہوچکے ہیں، اے آر وائی نیو کو ملنے والی اطلاعات کے مطابق ضلع کشمور کندھ کوٹ میں 96، قمبر شہداد کوٹ میں 70 اور جیک آباد میں 135 امیدوار بلامقابلہ منتخب قرار پائے۔

اسی طرح شکارپور میں 94، لاڑکانہ میں 11، میرپور خاص میں 65 اور عمرکوٹ اضلاع میں 69 امیدوار بلامقابلہ منتخب ہوئے،ضلع تھرپارکر میں 18، سکھر میں 34، گھوٹکی میں 48، خیرپور میں 67 اور شہید بے نظیر آباد ضلع میں بھی 105امیدوار بلامقابلہ منتخب ہوئے ہیں، نوشہروفیروز میں 48 اور سانگھڑ میں 87 امیدوار بلامقابلہ منتخب قرار پائے۔

Comments

یہ بھی پڑھیں