کراچی: سندھ بھر کے مختیار کاروں نے پیر سے ہڑتال پر جانے کا اعلان کر دیا۔
تفصیلات کے مطابق سیلاب متاثرین کا سروے اور متاثرین کی امداد خطرے میں پڑنے کا امکان ہے، کیوں کہ مختیار کاروں نے پیر سے ہڑتال پر جانے کا اعلان کر دیا ہے۔
مختیار کاروں نے مطالبہ کیا ہے کہ سب مختیار کاروں کی پوسٹ اپ گریڈ کی جائے ورنہ کام نہیں کریں گے۔ ان کا کہنا ہے کہ پیر سے سینئر ممبر بورڈ آف ریونیو حیدرآباد کے دفتر کے باہر احتجاج کیا جائے گا۔
مختیارکاروں نے سندھ حکومت کے آگے 6 مطالبات رکھ دیے ہیں، ان کا مطالبہ ہے کہ ہماری ترقیاں سینیارٹی رولز اور ہائیکورٹ ججمنٹ کے تحت کی جائیں، اور ڈی ڈی او کے اختیارات کے ساتھ بجٹ ہیڈ کو الگ سے مختص کیا جائے۔
