کراچی: سندھ میں تمام اقسام کے پلاسٹک بیگز پر پابندی کا آج پہلا روز تھا، پلاسٹک بیگز کی فروخت پر پابندی 15 جون سے نافذالعمل ہوچکی۔
تفصیلات کے مطابق صوبے میں پلاسٹک کی تھیلیوں پر پابندی کے بعد سیپا ٹیموں نے تجارتی و کاروباری مراکز کا دورہ کیا، دکانداروں کو پلاسٹک بیگز کی فروخت روکنے کی وارننگ جاری کی گئی، سیپا ٹیموں کی دکانداروں کو ماحول دوست متبادل ذرائع اپنانے کی ہدایت کی۔
دکانداروں کو پلاسٹک بیگز کا اسٹاک تلف کرنے کی مہلت ختم ہوگئی ہے، کورنگی وضلع وسطی کے دکانداروں نے سیپا ٹیموں کی ہدایت پرعمل کیا۔
بعض دکانوں پر پلاسٹک بیگز کی عدم دستیابی کی اطلاع چسپاں کردی گئی ہیں، مہم وزیراعلیٰ سندھ کے مشیر دوست محمد راھموں کی ہدایت پرجاری ہے، سیکریٹری ماحولیات آغا شاہنواز کی ہدایت پر بھی کارروائیاں جاری ہیں۔
ڈی جی سیپا وقار حسین نے کہا کہ وارننگ کے بعد خلاف ورزی پرسخت کارروائی ہوگی، سندھ کو پلاسٹک تھیلیوں سے پاک بنانے کا ہدف مشاورت سے ممکن بنائیں گے۔
سیپا نے کہا کہ ماحول دشمن بیگز سے ماحول اور صحت دونوں کو نقصان ہوتا ہے، سیپا کی مہم روزانہ کی بنیاد پر جاری رہے گی۔
حکومت کا پلاسٹک بیگز کے استعمال پر پابندی پر عمل درآمد سخت کرنے کا فیصلہ
