کراچی: شہر قائد کے علاقے ڈیفنس میں شہری نے خاتون کو ہراساں کیا جو اُسے مہنگا پڑ گیا، پولیس نے کارروائی کرتے ہوئے مذکورہ شخص کو گرفتار کرلیا۔
تفصیلات کے مطابق ڈیفنس کے علاقے اتحاد کمرشل میں خاتون شاہراہ سے پیدل گزر رہی تھیں تو اسی دوران کار سوار اُن کے پاس آیا اور اپنی گاڑی میں بیٹھنے کی پیش کش کرتے ہوئے مبینہ طور پر ہراساں کیا۔
خاتون نے اپنے بیگ سے موبائل نکالا اور گاڑی کی ویڈیو بنائی ساتھ ہی گاڑی نمبر کو بھی واضح کیا تاکہ ملزم کی شناخت ہوسکے۔
Nobody has the right to randomly stop, ask to drop you and insist for your number. Whatever your gender maybe, fight harrassers in the bravest way you can.
BCK 966, Toyota Corolla. Shame to this man roaming the streets of Ittehad Commercial, Karachi.
Twitter, do your thing! pic.twitter.com/pSksonNbr2
— The Mewly Weds! (@themewlyweds) December 15, 2018
انہوں نے سماجی رابطے کی ویب سائٹ پر ویڈیو شیئر کی اور صارفین سے تمام واقعے سے آگاہ کیا اور گاڑی کا نمبر لکھ کر مدد طلب کی۔
خاتون اپنے ساتھ پیش آنے والے واقعے کے بعد درخشاں تھانے گئیں اور انہوں نے رپورٹ درج کرائی، کلفٹن نے 6 گھنٹے کے اندر مذکورہ شخص کو حراست میں لے لیا۔
سوشل میڈیا پر ویڈیو وائرل ہوئی تو آئی جی سندھ ڈاکٹر سید کلیم امام نے نوٹس لیتے ہوئے ایس ایس پی ساؤتھ سے رپورٹ طلب کی اور فوری ایکشن کے احکامات دیے۔
This pertains to the video recorded earlier today by a woman who was harassed by a man at Ittehad Commercial. The culprit ” Nabeel Moosa” has successfully arrested. #sindhpolicedmc @AsifRazzakPSP@themewlyweds @geonews_urdu @ARYNEWSOFFICIAL @SAMAATV @PoliceAwam @DunyaNews
1/2 pic.twitter.com/s25umQGLxB
— Sindh Police (@sindhpolicedmc) December 15, 2018
اے ایس پی کلفٹن سوہائے عزیز نے ملزم کی گرفتاری کی تصدیق کرتے ہوئے بتایا کہمذکورہ شخص کی شناخت نبیل موسیٰ کے نام سے ہوئی جس سے تحقیقات کا آغاز کردیا گیا۔ سوہائے عزیز کا کہنا تھا کہ خاتون نےہراساں کرنےوالےشخص کی ویڈیوبنائی اورپولیس کودی۔
پولیس آفیسر نے ملزم کی گرفتاری سے متعلق خاتون کو آگاہ کیا جس کے بعد انہوں نے سماجی رابطے کی ویب سائٹ پر مسرت کا اظہار کیا اور ملزم کی تصاویر بھی شیئر کیں۔
مزید پڑھیں: حیدرآباد: مدرسے کے طالب علم پر تشدد کرنے والا معلم پولیس اہلکار نکلا، مقدمہ درج، ملزم گرفتار
یاد رہے کہ گزشتہ روز سوشل میڈیا پر حیدرآباد کے معلم کا ایک ویڈیو کلپ وائرل ہوا تھا جس کے بعد پولیس نے مذکورہ شخص کو حراست میں لے کر قانونی کارروائی کا آغاز کیا تھا۔