کراچی:9 مئی جیسے واقعات پر قابو پانے کے لئے سندھ پولیس نے سندھ ریزور فورس کی جگہ ایک نیا یونٹ بنانے کا فیصلہ کیا ہے۔
تفصیلات کے مطابق سندھ پولیس نے بین الاقوامی طرز کی اینٹی رائٹ فورس کے قیام کی منظوری دے دی گئی، کراوڈ مینجمنٹ یونٹ 3 ہزار اہلکاروں پر مشتمل ہوگا۔
حکام کے مطابق 4 یونٹ پر مشتمل فورس کراچی میں 2 ہزار اور سکھر حیدرآباد میں 500 اہلکار تعینات ہونگے جسے 19گریڈکا ایس ایس پی یونٹ کمانڈ کرےگا۔
حکام کا بتایا ہے کہ سکھر میں محمد ریاض، حیدر آباد میں خالد مصطفی کورائی، قیوم آباد میں رانا عارف اور بلدیہ میں محمد علی رضا ایس پی تعینات ہیں۔
اہلکاروں کی تربیت بین الاقوامی تربیت یافتہ ٹرینرز سےکروائی جائےگی، اہلکاروں کو لاٹھی چارج،کراوڈ مینجمنٹ اور مشتعل مظاہرین سے مذاکرت کرنےکی تربیت دی جائےگی۔
3 ہزار اہلکاروں کے لیے اینٹی رائٹ کٹس بھی خرید لی گئی ہیں، کراچی میں قیوم آباد ایس آر پی کے دفتر اور بلدیہ میں سی ایم یوکے ہیڈ کوارٹر قائم ہونگے۔
