کراچی: سال 2018 میں سندھ پولیس کی کارکردگی سے متعلق رپورٹ جاری کی گئی ہے جس کے مطابق 1298 افراد قتل ہوئے، تین بینک ڈکیتیاں ہوئیں، 38 اغوا برائے تاوان کے واقعات رپورٹ ہوئے۔
تفصیلات کے مطابق 2018 میں سندھ پولیس نے کارکردگی رپورٹ جاری کی ہے جس کے مطابق دہشت گردی کے 4، ٹارگٹ کلنگ کے 9 واقعات ہوئے، 1182 پولیس مقابلوں میں 2206 ملزمان کو گرفتار کیا گیا۔
رپورٹ کے مطابق 2018 میں 81 ڈکیت مارے گئےْ 14981 ملزمان کو گرفتار کیا گیا، 14 دہشت گرد ہلاک، 47 کو گرفتار کیا گیا، 9045 اشتہاری، 18709 مفرور ملزمان گرفتار کئے گئے۔
مزید پڑھیں: آئی جی سندھ کو’واٹس ایپ‘پرشکایت درج کرائیں
پولیس رپورٹ کے مطابق 82 کلو گرام بارود، 12 ڈیٹو نیٹر، 9 راکٹس، 5 لانچر برآمد کیے گئے، رواں سال 26 دستی بم، 18 بم، 4 خودکش جیکٹس برآمد کی گئیں۔
رواں سال 199 ایس ایم جیز، 850 رپیٹرز برآمد ہوئیں، 238 رائفل، 10101 پستول، 45395 مختلف اقسام کی گولیاں برآمد کی گئیں۔
پولیس رپورٹ کے مطابق رواں سال سندھ بھر میں 25441 ایرانی ڈیزل پکڑا گیا، 373390 کلو گرام گٹکا اور مین پڑیاں برآمد کی گئیں۔
