سندھ میں کرونا کے نئے 5 کیسز رپورٹ، مجموعی تعداد 188 تک جا پہنچی

کراچی : کرونا وائرس سے متاثرہ افراد کی تعداد تیزی سے بڑھنے لگی، سندھ میں مزید پانچ کیس سامنے آگئے، جس کے بعد سندھ بھر میں وائرس سے متاثرین کی تعداد155 جبکہ مجموعی مریضوں کی تعداد 188 تک جاپہنچی۔

تفصیلات کے مطابق سندھ میں کروناوائرس سے متاثرہ افراد کی تعداد میں اضافے کا سلسلہ جاری ہے ، ترجمان سندھ حکومت بیرسٹرمرتضیٰ وہاب نے سماجی رابطے کی ویب سائٹ ٹوئٹر پر کرونا وائرس کے متاثرین کی تعداد 155 ہونے کی تصدیق کرتے ہوئے کہا سکھر میں موجود 234زائرین کے ٹیسٹ مکمل کرلئے گئے، جس میں سے 119زائرین کے کرونا وائرس ٹیسٹ مثبت آئے جبکہ 115زائرین کے ٹیسٹ منفی ہیں۔

Following is the update of #COVIDー19 affected people in Sindh as of 11 AM on 17.03.2020:
Positive =36
Cured=2
Under treatment =34

Zaaireen Sukkur
Total tests conducted 234
Negative 115
Positive 119

Grand Total 155

— SenatorMurtaza Wahab (@murtazawahab1) March 17, 2020

اس سے قبل محکمہ صحت سندھ کے مطابق اب تک مجموعی طور پر675افراد کے ٹیسٹ کیے گئے ہیں جن میں 572کیسز نیگیٹو آئے تھے ، 119مریضوں کا تعلق سکھر سے ہے، جو زائرین تفتان سے آئے تھے جبکہ ایک کیس کا تعلق حیدرآباد سے ہے، اب تک دومریض صحت یاب ہوچکے ہیں ان دونوں مریضوں کو پہلے ہی ڈسچارچ کیا جاچکا ہے۔

گذشتہ روز ترجمان سندھ حکومت مرتضیٰ وہاب نے کہا تھا کہ سکھر میں 119، کراچی میں 30، ایک کیس حیدرآباد میں رپورٹ ہوا ہے۔

اس سے قبل خیبر پختون خوا کے ہیلتھ منسٹر تیمور جھگڑا نے صوبے میں پہلے 15 کیسز کی تصدیق کی تھی، تیمور جھگڑا نے ٹویٹ کے ذریعے کہا تھا کہ تفتان سے کے پی پہنچنے والے 19 افراد میں سے 15 میں کرونا وائرس کا ٹیسٹ مثبت آیا، ان مریضوں کو ڈیرہ اسماعیل خان میں ایک علیحدہ عمارت میں قرنطینہ کیا گیا ہے۔

دوسری طرف معاون خصوصی ڈاکٹر ظفر مرزا کا کہنا تھا کہ پاکستان میں مستند کرونا مریضوں کی تعداد 94 ہے، ہر کوئی اپنی تعداد بتائے گا تو غلط فہمیاں پیدا ہوں گی، ہم نہیں چاہتے پاکستان میں کرفیو جیسی صورت حال ہو۔

واضح رہے دنیا بھر میں کرونا وائرس 162 ملکوں تک پھیل گیا ہے، ہلاکتوں کی تعداد 7171 تک جا پہنچی ہے جبکہ دنیا بھر میں وائرس سے 182598 افراد متاثر ہو چکے ہیں۔

Comments