The news is by your side.

Advertisement

سندھ حکومت نے نئے بلدیاتی قانون کے لیے الیکشن کمیشن سے مہلت مانگ لی ، فیصلہ محفوظ

اسلام آباد: سندھ حکومت  نے نئے بلدیاتی قانون کے لیے الیکشن کمیشن سے مہلت مانگ لی، الیکشن کمیشن نے استدعا پر فیصلہ محفوظ کرلیا اور ریمارکس دئیے نیاقانون نہیں لائیں گےتوپرانے قانون پرہی حلقہ بندیاں کردیں گے۔

تفصیلات کے مطابق سندھ میں بلدیاتی انتخابات سے متعلق الیکشن کمیشن میں سماعت ہوئی ، الیکشن کمیشن نے کہا نیا قانون نہیں لائیں گے تو پرانے قانون پرہی حلقہ بندیاں کردیں گے، سندھ حکومت نےالیکشن کمیشن سے ایک ماہ کی مہلت طلب کی تھی، ایک ماہ میں کیاکیا؟ کیوں نہ توہین عدالت کا نوٹس جاری کردیں۔

الیکشن کمیشن کا کہنا تھا کہ پہلے مؤقف تھا کہ مردم شماری کے نتائج کی اشاعت کا مسئلہ ہے، مردم شماری کے نتائج کی اشاعت ہوئے بھی 6 ماہ کا وقت گزر چکا ہے۔

دوران سماعت حافظ نعیم الرحمان نے کہا کہ سندھ حکومت بلدیاتی انتخابات کرانے میں سنجیدہ نہیں، الیکشن کمیشن سندھ حکومت کو پابند کرے، ٹائم لائن مانگے، الیکشن کمیشن کا کہنا تھا کہ چیف سیکرٹری سندھ کو طلب کیا تھا لیکن پیش نہیں ہوئے۔

سندھ نے نئے بلدیاتی قانون کے لیے الیکشن کمیشن سے مہلت مانگی ، الیکشن کمیشن نے نئے بلدیاتی قانون کی استدعا پر سندھ میں بلدیاتی الیکشن کیس پر فیصلہ محفوظ کرلیا۔

Comments

یہ بھی پڑھیں