کراچی : آئی سی سی چیمپئنز ٹرافی میں پاک بھارت میچ کے حوالے سے سندھ حکومت نے شائقین کرکٹ کے لئے بڑا اعلان کردیا۔
آئی سی سی چیمپئنز ٹرافی میں کراچی سمیت سندھ بھر میں 23 فروری کو کہاں کہاں بڑی اسکرینز پر پاک بھارت میچ دیکھایا جائے گا، اس حوالے سے شہر قائد سمیت سندھ بھر کے شائقین کرکٹ کیلئے خوشخبری آگئی۔
سندھ حکومت نےکراچی سمیت صوبہ بھر میں عوامی مقامات پر 23 فروری کو بڑی اسکرین پر پاک بھارت میچ لائیو دکھانے کا فیصلہ کرلیا۔
محکمہ کھیل سندھ نے کراچی، حیدرآباد،لاڑکانہ،گھوٹکی سمیت 30 اضلاع میں میچ لائیو دکھانے کا اہتمام کیاہے۔
سردار محمد بخش مہر نے بتایا کہ کراچی میں ساحل سمندر اور سندھ یوتھ کلب گلستان جوہر میں بڑی اسکرین پر میچ لائیو دکھایا جائے گا۔
صوبائی وزیر کا کہنا تھا کہ حیدرآباد میں نیاز اسٹیڈیم، خیرپور میں ممتاز کرکٹ گراؤنڈ اور ٹنڈو محمد خان میں پاک بھارت میچ اسکرین پر لائیو دکھایا جائے گا۔
وزیر کھیل سردار محمد بخش مہر گھوٹکی میں اپنےحلقہ میں بڑی سکرین پرپاک/بھارت میچ ووٹرز کے ساتھ دیکھیں گے۔
