پاکستانی میوزک انڈسٹری کے معروف گلوکار علی حیدر کی بیٹی علیشبہ حیدر نے بھی موسیقی کی دنیا میں قدم رکھ دیا ہے۔
پاکستان کے معروف گلوکار علی حیدر نے فوٹو اینڈ شیئرنگ ایپ انسٹاگرام پر ایک پوسٹ شیئر کی ہے جس میں انہوں نے اپنی بیٹی کو بطور گلوکارہ متعارف کروایا ہے۔
View this post on Instagram
علی حیدر نے اپنی انسٹاگرام پوسٹ میں بیٹی کے ہمراہ تصویر شیئر کرتے ہوئے بتانا ہے کہ علیشبہ حیدر نے اپنا ڈیبیو گانا ریلیز کر دیا ہے، پہلے گانے کا نام ’دل نہیں لگدا اے‘ ہے۔
View this post on Instagram
انہوں نے پوسٹ کے کیپشن میں لکھا کہ یہ ایک بہترین لمحہ ہے جب علیشبہ حیدر کا پہلا گانا ’دل نہیں لگدا‘ ریلیز ہو رہا ہے جس میں میں خود بھی شامل ہوں، یہ گانا باپ اور بیٹی کے تعاون سے بنایا گیا ہے، آپ لوگ لطف اٹھائیں۔
علی حیدر ایک مشہور پاکستانی گلوکار، موسیقار، نغمہ نگار، اور اداکار ہیں جنہوں نے شاندار ہٹ گانے دیے، وہ ایک ایسا نام ہے جو 90 کی دہائی میں بہت مشہور ہوئے, انہوں نے متعدد گانوں کے ساتھ متعدد البمز ریلیز کیے جن میں مشہور گانے جیسے ظالم نظروں سے، پرانی جینز، تم سے کہنا تھا، دل والے ہیں، اور دیگر شامل ہیں۔
علی حیدر پی ٹی وی کے متعدد کامیاب ڈراموں اور ڈرامہ سیریلز میں بھی نظر آئے۔ علی حیدر نے گلوکاری چھوڑ کر امریکہ شفٹ ہو گئے تھے۔
