معروف پاکستانی گلوکار عاصم اظہر نے اپنے نئے گانے ’درد‘ کی ویڈیو شیئر کردی۔
سماجی رابطے کی ویب سائٹ ٹویٹر پر گلوکار عاصم اظہر نے نئے گانے کی ویڈیو شیئر کی، گانے کی ویڈیو میں درفشاں سلیم کو شامل کیا گیا ہے۔
انہوں نے ویڈیو شیئر کرتے ہوئے کیپشن میں گانے بول ’بھلے روز رُلانا، ہنسا بھی دینا۔‘ لکھے۔عاصم اظہر نے گانے کا ٹائٹل ’درد‘ لکھ کر ٹوٹے دل کی ایموجی بنائی اور آج کی تاریخ بھی لکھی۔
گانے کے شروع میں عاصم اظہر شعر کہتے ہیں ’پہلے خود سے دور کیا پھر کیا زمانے سے، فرق تک نہیں پڑا تم کو تو میرے جانے سے۔‘
Bhale roz rulana.. hasa bhi dena
DARD ❤️🩹 12 . 01 . 23 // 11AM pic.twitter.com/QfiwhIdGbI
— Asim Azhar (@AsimAzharr) January 10, 2023
انہوں نے بتایا کہ ’گانے کو 12 جنوری کی صبح 11 بجے ریلیز کیا جائے گا۔
اس سے قبل درفشاں سلیم نے بھی گانے کا پوسٹر شیئر کرتے ہوئے مداحوں کو بتایا تھا کہ عاصم اظہر کے ساتھ ان کی پہلی میوزک ویڈیو ریلیز ہورہی ہے۔
View this post on Instagram
مداحوں کی جانب سے عاصم اظہر کے نئے گانے کے کلپ کو پسند کیا جارہا ہے اور گانے پر مداح اپنی رائے کا اظہار بھی کررہے ہیں۔
View this post on Instagram
واضح رہے کہ درفشاں سلیم نے ڈرامہ سیریل ’کیسی تیری خود غرضی‘ میں مہک کا کردار نبھایا تھا جسے مداحوں کی جانب سے بھرپور پذیرائی ملی تھی، ڈرامے میں دانش تیمور ’شمشیر‘ کے کردار میں جلوہ گر تھے دیگر کرداروں میں نعمان اعجاز، عتیقہ اوڈھو، شہود علوی، لیلیٰ واسطی، زینب قیوم، لائبہ خان، حماد شعیب ودیگر شامل تھے۔