The news is by your side.

مومنہ مستحسن کی تصویر ٹائمز اسکوائر پر آویزاں

معروف گلوکارہ مومنہ مستحسن کا موسمیاتی تبدیلی سے متعلق پیغام ٹائمز اسکوائر نیویارک میں پیش کیا گیا۔

میوزک پلیٹ فارم اسپاٹی فائے کے ڈیجیٹل بل بورڈ پر مومنہ مستحسن بطور ایمبیسڈر نیویارک کے ٹائمز اسکوائر پر جلوہ گر ہوئی ہیں اور انہوں نے دنیا کی توجہ موسمیاتی تبدیلی کی جانب مبذول کروائی۔

گلوکارہ نے لوگوں کو آگاہی دی کہ کس طرح موسمیاتی تبدیلی کے باعث دنیا میں مشکلات پیش آرہی ہییں۔

انہوں نے پاکستان میں حالیہ سیلاب سے ہونے والی تباہی کی نشاندہی کرتے ہوئے کہا کہ ’آج پاکستان متاثر ہے کل آپ کا ملک بھی متاثر ہوسکتا ہے۔‘

مومنہ نے دنیا کیلئے اپنے پیغام میں کلائمیٹ ایمرجنسی کا ہیش ٹیگ کلائمٹ ایمرجنسی بھی استعمال کیا۔

گلوکارہ کا کہنا تھا کہ موسمیاتی ایمرجنسی سے متاثرہ تمام افراد کا خیال رکھنا ہماری ذمہ داری ہے۔

واضح رہے کہ ملک میں سیلاب نے تباہی مچا رکھی ہے جس کے نتیجے میں 15 سو سے زائد افراد جاں بحق ہوچکے ہیں جبکہ لاکھوں افراد بے گھر ہوگئے اور کیمپوں میں زندگی گزارنے پر مجبور ہیں۔

Comments

یہ بھی پڑھیں