بدھ, جولائی 2, 2025
اشتہار

معروف گلوکارہ کا طیارہ حادثے سے بال بال بچ گیا

اشتہار

حیرت انگیز

امریکا کی معروف پاپ اسٹار مائلی سائرس کا طیارہ پرواز کے دوران ناخوشگوار حادثے کا شکار ہونے سے بال بال بچ گیا۔

عالمی خبر رساں ایجنسی رائٹرز کے مطابق گلوکارہ مائلی سائرس ایک کنسرٹ کے لیے جنوبی امریکی ملک پیراگوئے کے دارالحکومت اسونسیون جا رہی تھیں۔ طیارے میں ان کے اہل خانہ بھی موجود تھے۔

اونچائی پر مائلی سائرس کے طیارے سے آسمانی بجلی ٹکرا گئی جس کے باعث طیارے کی ہنگامی لینڈنگ کرانا پڑی۔ طیارے کو معمولی نقصان بھی پہنچا۔

سماجی رابطے کی ویب سائٹ ٹوئٹر پر مائلی سائرس نے طیارے سے آسمانی بجلی ٹکرانے کی ویڈیو شیئر کرتے ہوئے اپنے مداحوں کے لیے پیغام لکھا۔

گلوکارہ نے لکھا کہ یہ پیغام مداحوں اور ہر اس شخص کے لیے ہے جس نے میرے طیارے کو حادثہ پیش آنے کے بارے میں سنا، طیارہ غیر متوقع طوفان میں پھنس گیا اور اس سے آسمانی بجلی ٹکرائی۔

انہوں نے کہا کہ طیارے میں موجود میں، اہل خانہ، بینڈ اور عملہ خیریت سے ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں