وزیراعظم شہباز شریف نے بلوچستان میں بارشوں سے متاثرہ علاقوں کا فضائی جائزہ لیا جس کی ایک ویڈیو وائرل ہورہی ہے اور صارفین کی جانب سے ان پر تنقید کی جارہی ہے۔
اے آر وائی نیوز کے مطابق وزیراعظم شہباز شریف نے بلوچستان میں بارش سے متاثرہ علاقوں کا فضائی جائزہ لیا اور امداد کا اعلان بھی کیا۔
وزیراعظم کو فضائی جائزے کے دوران بتایا جاتا ہے کہ ’سر کیمرا آن ہے۔‘
سوشل میڈیا پر وزیراعظم کی ویڈیو سوشل میڈیا پر وائرل ہورہی ہے اور صارفین کی جانب سے شدید تنقید کرتے ہوئے انہیں ’شوباز‘ قرار دیا جارہا ہے۔
Lights Camera Action pic.twitter.com/Jj56RWTiP3
— Ammad Yousaf (@AmmadYousaf) July 30, 2022
سوشل میڈیا صارفین فضائی معائنے کو اشتہاری مہم بھی قرار دے رہے ہیں۔
واضح رہے کہ وزیراعظم نے جھل مگسی میں بارشوں اور سیلاب کے نتیجے میں جاں بحق ہونے والے افراد کے لواحقین کو 10 لاکھ روپے، گھر مسمار ہونے والے متاثرین کو 5 لاکھ روپے امداد دینے کا اعلان کیا جب کہ جن کے گھر جزوی طور پر منہدم ہوئے ان کو دو لاکھ روپے امداد دی جائے گی۔
یاد رہے کہ بلوچستان میں کئی روز سے جاری بارشوں کے طوفانی اسپیل نے صوبے بھر میں تباہی مچا دی ہے اور درجنوں افراد سیلابی ریلوں میں بہنے، دیواریں اور چھتیں گرنے سے جاں بحق ہوچکے ہیں۔
