برطانیہ کے بادشاہ چارلس نے مئیر لندن صادق خان کو ان کی خدمات کے اعتراف میں نائٹ کے اعزاز سے نواز دیا۔
غیرملکی ذرائع ابلاغ کے مطابق میئر لندن صادق خان کو نائٹ کا انتہائی معتبر اعزاز لندن کے عوام کی خدمات کے اعتراف میں دیا گیا ہے۔
رپورٹس کے مطابق میئر لندن رواں برس مسلسل تیسری مرتبہ لندن کے مئیر منتخب ہوئے تھے۔
میئر لندن کا اس حوالے سے کہنا تھا کہ جنوبی لندن میں بچپن گزارتے وقت سوچا بھی نہیں تھا کہ ایک دن شہر کا میئر بن جاؤں گا۔
اُنہوں نے کہا کہ ان کی زندگی کا پہلے سے ہی یہ ایک اعزاز تھا کہ جس شہر سے پیار کرتا ہوں اس کی خدمت کررہا ہوں، نائٹ کا اعزاز ملنے پر فخر محسوس کررہا ہوں۔
میڈیا رپورٹس کے مطابق برطانیہ کے بادشاہ چارلس کی جانب سے نائٹ کا اعزاز ملنے سے اب میئر لندن کے نام سے پہلے سر بھی لکھا جائے گا۔
اس سے قبل برطانوی دارالحکومت لندن کے میئر نے فلسطین میں فوری طور پر جنگ بندی کا مطالبہ بھی کیا تھا۔
سوشل میڈیا پر ایک پوسٹ میں اُن کا کہنا تھا کہ حکومت رفح پر حملے ختم کرانے کے لیے اسرائیل پر دباؤ ڈالے، رفح پر بڑے پیمانے پر حملہ المیہ ہوگا۔ انھوں نے مزید کہا کہ فلسطین اسرائیل تنازع میں برطانوی حکومت کے نقطہ نظر میں تبدیلی کی ضرورت ہے۔
ایلون مسک پر جرمنی کا بڑا الزام
میئر لندن کا کہنا تھا کہ برطانوی حکومت کو شہریوں کی ہلاکتوں کا حصہ نہیں بننا چاہیے، انھوں نے یہ بھی مطالبہ کیا ہے کہ برطانوی حکومت اسرائیل کو ہتھیاروں کی فروخت بند کرے۔
