تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹرمپ کی پالیسی دنیا میں آگ لگا دے گی، سراج الحق

پشاور: امیر جماعت اسلامی پاکستان سراج الحق نے کہا ہے کہ پاکستان ایک آزاد اور خود مختار ملک ہے اور اس وطن عزیز کی سالمیت سب سے مقدم اور محترم ہے۔

وہ جلسہ عام سے خطاب کررہے تھے انہوں نے کہا کہ امریکی صدر ٹرمپ نے ایک غیرت مند قوم کو للکارا ہے جس نے دہشت گردی کے خلاف جنگ میں 50 ہزار پاکستانیوں نے جانوں کے نذرانے پیش کیے ہیں اس لیے ٹرمپ دل آزاری پر معافی مانگیں اور پاکستان کے خلاف دھمکی واپس لیں۔

امیرجماعت اسلامی نے کہا کہ نفرت کی سیاست سے خطے میں قائم امن و امان کو خدشہ لاحق ہوجائے گا اور دہشت گردی عذاب بن کر ٹوٹے گی اس لیے امریکا کو کہتا ہوں کہ اپنے رویوں اور پالیسی پر نظرِ ثانی کرے اور دوست و دشمن میں فرق جانے، امریکا کی پالیسی سے پوری دنیا کا امن خظرے میں پڑ گیا ہے۔

انہوں نے کہا کہ لوگ آئندہ انتخابات میں جماعت اسلامی خیبر پختونخوا میں حکومت بنائے گی اور قومی خزانہ لوٹنے والوں کے احتساب تک جماعت اسلامی پیچھا کرے گی جس کے لیے سب سے پہلے جماعت اسلامی نے آواز اُٹھائی اور پاناما کیس میں اپنا کلیدی کردار ادا کیا۔

Comments

- Advertisement -