site
stats
پاکستان

حکمراں رمضان میں بھی لودشیڈنگ ختم کرانے میں ناکام رہے، سراج الحق

لاہور : امیر جماعت اسلامی سراج الحق نے کہا ہے کہ حکمران رمضان میں تولوڈشیڈنگ سے ریلیف دے دیں۔

وہ ماہ رمضان کی پہلی سحری پر ملک کے بیشترحصوں میں ہونے والی غیراعلانیہ لوڈ شیڈنگ پر ردعمل دے رہے تھے امیر جماعت اسلامی کا کہنا تھا کہ رمضان کے بابرکت مہینے میں بھی لوڈشیڈنگ میں خاص کمی نہیں آئی ہے۔

انہوں نے کہا کہ پہلی سحری میں آدھے کراچی سمیت اندرون سندھ میں اندھیراتھا جب کہ حکمراں زبانی جمع خرچ کےعلاوہ کچھ نہیں کرتے کاش حکمران ایئرکنڈیشنڈ محلوں سے باہرنکل کرعوام کودیکھیں کہ عوام کا کیا حال ہو گیا ہے۔

امیر جماعت اسلامی سراج الحق نے کہا کہ ہمارے ہاں رمضان میں مہنگائی کے ریکارڈ ٹوٹ جاتے ہیں بجائے روزہ داروں کو سہولت دینے کے الٹا لوٹا جاتا ہے جس پر جتنی مذمت کی جائے کم ہے۔

امیر جماعت اسلامی نے کہا کہ حکمرانوں کا تعلق اشرافیہ ہے اس لیے انہیں عوام کی مشکلات کا ادراک نہیں ہے اور نہ ہی عوامی مسائل حل میں کرنے کوئی دلچسپی رکھتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top