گجرانوالہ : امیر جماعت اسلامی پاکستان سینیٹر سراج الحق نے کہا ہے کہ پلوامہ میں ہلاک بھارتی فوجی پڑھنے نہیں بلکہ کشمیریوں کا قتل عام کرنے آئے تھے، بھارت کے خلاف پاکستان کے عوام ،فوج اور حکومت ایک پیج پر ہیں۔
ان خیالات کا اظہار انہوں نے گجرانوالہ میں جماعت اسلامی کے ورکرز کنونشن سے خطاب کرتے ہوئے کیا۔ انہوں نے کہا کہ پلوامہ واقعے میں ہلاک ہونے والے فوجیوں کو کشمیری عوام کے قتل عام کیلئے بھیجا گیا تھا۔
کشمیریوں کو بھی اپنی جان مال اور عزت کی حفاظت کیلئے لڑنے کا پورا حق ہے، پلوامہ میں ہلاک بھارتی فوجی پڑھنے نہیں، کشمیریوں کاقتل عام کرنےآئےتھے۔
مزید پڑھیں: مودی سن لو اب پاکستان 65 اور 71 والا نہیں ، سینیٹرسراج الحق
انہوں نے کہا کہ بھارت کے خلاف پاکستان کے عوام ،فوج اورحکومت ایک پیج پر ہیں، مودی سرکار بھارت میں اقلیتوں کا بھی قتل عام اور معاشی استحصال کررہی ہے۔
مزید پڑھیں: مقبوضہ کشمیر میں بھارتی فوج کی فائرنگ‘ 1کشمیری شہید
سینیٹرسراج الحق کامزید کہنا تھا کہ ایک طرف مودی پاکستان پر جنگ مسلط کرنے کی دھمکیاں دے رہا ہے اور دوسری طرف ہمارے حکمران کروڑوں روپے اجلاسوں پر خرچ کرنے کے بعد اسمبلی میں قانون سازی کے بجائے دھینگا مشتی کرتے نظر آتے ہیں، حکومت غیر سنجیدہ لوگوں کے ہاتھ میں ہے، حکمران ڈلیور کرنے کی صلاحیت نہیں رکھتے۔
