شوبز انڈسٹری کی اداکارہ بہنیں لائبہ خان اور ایمان خان کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ لائبہ خان نے بہن ایمان خان کے ساتھ بلیک اینڈ وائٹ تصویر شیئر کی جس میں انہیں بہن کے ساتھ خوشگوار موڈ میں دیکھا جاسکتا ہے۔
لائبہ خان نے تصاویر شیئر کرتے ہوئے کیپشن میں لکھا کہ ’جی کوئی شک نی، کر چیک نی۔‘
اداکارہ نے کیپشن میں بھارتی کینیڈین گلوکار شبھ کے البم ’اسٹیل رولن‘ کے گانے ’چیکس‘ کے بول لکھے ہیں۔
انہوں نے چند گھنٹوں قبل یہ تصویر شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
اس سے قبل ایمان خان نے بھی بہن لائبہ خان کے ساتھ اسی طرح کی تصویر شیئر کی تھی اور کیپشن میں لکھا تھا کہ ’ہیلو لائبہ خان۔‘
واضح رہے کہ دونوں اداکارائیں سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرچکے ہیں۔
لائبہ خان اس سے قبل اے آر وائی ڈیجیٹل کے ڈرامہ سیریل ’مقدر کا ستارہ‘ میں اداکاری کے جوہر دکھا چکی ہیں، ان کے مقبول ڈراموں میں ’کیسی تیری خود غرضی۔‘ ’انگنا۔‘ ’میرا دل میرا دشمن۔‘ ’دو بول۔‘ اور ’پاکیزہ پھوپھو۔‘ شامل ہیں۔
اداکارہ کی چھوٹی بہن ایمان خان بھی ڈرامہ سیریل ’کچھ ان کہی۔‘ ’پنجرہ۔‘ ’بیٹیاں۔‘ ’دمسا۔‘ اور ’پاکیزہ پھوپھو۔‘ میں اداکاری کے جوہر دکھا چکی ہیں۔
