قومی ادارہ برائے امراض قلب (این آئی سی وی ڈی) کے سرجن ستارہ امتیاز ڈاکٹر پرویز چوہدری کو ملازمت سے فارغ کر دیاگیا۔
سرجن ڈاکٹر پرویزچوہدری کا کہنا ہے کہ میرا کنٹریکٹ31دسمبر2022میں ختم ہوگا مجھےکنٹریکٹ ختم کرنے کے حوالے سےکوئی نوٹس نہیں ملا۔
ترجمان این آئی سی وی ڈی کے مطابق ستارہ امتیاز ڈاکٹر پرویز چوہدری کا کنٹریکٹ ختم ہوگیا ہے اور سینئر سرجن ڈاکٹر اسدبلال کو ہیڈآف کارڈیک سرجری کا اضافی چارج دے دیا گیا ہے۔
ترجمان نے نیب چھاپے کے حوالے سے کہا کہ نیب نےملک بھرکےمریضوں کامفت علاج کرنے والے ادارے پر بلاجواز چھاپہ مارا، نیب نےاین آئی سی وی ڈی کوریکارڈکےحوالےسےکوئی پیشگی خط نہیں لکھا۔
ترجمان نے کہا کہ نیب نےجب بھی کوئی رکارڈ طلب کیا،ہارڈ ،سافٹ کاپی میں بروقت مہیاکیا 2016-18سےنیب کی انکوائری چل رہی ہےمگرکوئی الزام ثابت نہیں ہوا، نیب کےچھاپےکےباعث ادارےکےڈاکٹرز،ملازمین ذہنی دباؤکاشکارہیں۔
