The news is by your side.

Advertisement

سیالکوٹ میں صورتحال: عمران خان نے بنی گالہ میں ہنگامی اجلاس بلالیا

اسلام آباد : چیئرمین تحریک انصاف عمران خان نے سیالکوٹ کی پولیس گردی پر ہنگامی اجلاس طلب کرلیا۔

تفصیلات کے مطابق سیالکوٹ کی صورتحال پر تحریک انصاف کا ہنگامی اجلاس طلب کرلیا گیا، عمران خان کی زیر صدارت اجلاس بنی گالہ میں ہو گا۔
.
ذرائع کا کہنا ہے کہ پی ٹی آئی کی مرکزی قیادت اجلاس میں شریک ہوگی،اجلاس میں ملکی سیاسی اور سیالکوٹ کی صورتحال کا جائزہ لیا جائےگا۔

عمران خان موجودہ صورتحال پر مرکزی قیادت سے مشاورت کریں گے اور آئندہ کی حکمت عملی پر غور کیا جائے گا۔

اجلاس میں سیالکوٹ اور دیگر شہروں میں جلسوں کی حکمت عملی بھی طے کی جائے گی۔

یاد رہے آج صبح پولیس نے سیالکوٹ میں پی ٹی آئی کی جلسے کی تیاری میں مصروف کارکنوں پر دھاوا بول دیا اور اسٹیج سے کرسیاں سمیت دیگرسامان اٹھا کر پھینک دیا۔

تحریک انصاف کے کارکنوں سے پنڈال خالی کرانے کیلئے پولیس کی آنسو گیس اورلاٹھی چارج کیا، جس کے باعث کئی کارکن زخمی ہوگئے۔

پولیس نےکرین کی مدد سےاسٹیج ہٹانے کی کوشش کی تو کارکنان سامنےآگئے اور مزاحمت پر عثمان ڈارسمیت متعدد کارکنان کو گرفتار کرکے ساتھ لے گئے۔

Comments

یہ بھی پڑھیں