ایس آئی یو نے کارروائی کرتے ہوئے شہریوں سے بھتہ وصول کرنے والے پولیس اہلکار کو گرفتار کرلیا ہے، فرار ساتھی کی تلاش بھی جاری ہے۔
تفصیلات کے مطابق ایس آئی یو نے شہری کو بلاوجہ تنگ کرنے والے اور زبردستی ہزاروں روپے بھتہ وصول کرنے والے صدر تھانے کے اہلکار کو حراست میں لے لیا ہے۔
گرفتار ہونے والے اہلکار کی شناخت بابر زمان کے نام سے ہوئی ہے، ایس آئی یو کی جانب سے بابرزکے ساتھی اہلکارعثمان کی تلاش بھی جاری ہے۔
- Advertisement -
ایس ایس پی نے بتایا کہ دونوں پولیس اہلکاروں نے 9 اکتوبر کو رکشہ ڈرائیور سے 30 ہزار روپے بھتہ وصول کیا تھا۔
دونوں اہلکاورں کے خلاف صدر تھانے میں مقدمہ درج کیا گیا۔ ایس ایس پی کا کہنا تھا کہ ایس آئی یو نے خفیہ اطلاع پر جناح اسپتال کے مردہ خانے کے باہر کارروائی کی۔
