کراچی : اسپیشل انویسٹی گیشن یونٹ (ایس آئی یو) کراچی نے فشری کے قریب کارروائی کرکے ٹارگٹ کلنگ میں ملوث قاتل گرفتار کرلیا، ملزم شہریار نے دوران تفتیش اہم انکشافات کیے ہیں۔
تفصیلات کے مطابق ایس آئی یو نے کراچی میں خفیہ اطلاع پر کامیاب کارروائی کرتے ہوئے فشریز کے علاقے سے ٹارگٹ کلنگ کی متععد وارداتوں میں مطلوب ملزم شہریار عرف حذیفہ کو حراست میں لے لیا۔
ملزم نے دوران تفتیش اہم انکشافات کیے جس کے مطابق2010میں ناظم آباد میں عرفان نامی تاجر رہنما کو اور2011میں نورالاسلام نامی شخص کو سرسید کے علاقے میں فائرنگ کرکے قتل کیا۔
اس واردات میں ایک خاتون بھی زخمی ہوئی تھی، ملزم شہریار نے پولیس کو بیان دیا کہ کراچی کے علاقے لیاقت آباد پل کے نیچے بھی2011میں ایک شہری کو قتل کیا تھا۔
اور2011میں ہی تیموریہ میں شاپنگ سینٹرکے اندر3افراد کو موت کی نیند سلادیا۔ اس کے علاوہ سال2015میں دستگیر میں عبید نامی شخص کو سیاسی دشمنی کی بنا پر قتل کیا۔
