The news is by your side.

Advertisement

امریکہ میں طیارہ گرنے سے 6 افراد ہلاک

اسکاٹس ڈیل: امریکی ریاست ایریزونا میں پی جی ٹور کے گالف کورس کے قریب چھوٹا طیارہ گرکر تباہ ہوگیا جس کے نتیجے میں 6 افراد ہلاک ہوگئے۔

تفصیلات کے مطابق طیارے نے اسکاٹس ڈیل ایئرپورٹ سے اڑان بھری لیکن کچھ ہی دیر بعد ایریزونا گالف کورس کے قریب جہاز میں آگ بھڑک اٹھی جس کے بعد طیارہ گرکرتباہ ہوگیا۔

پولیس حکام کے مطابق طیارے کو حادثہ مقامی وقت کے مطابق رات 8 بجکر 45 منٹ پرپیش آیا، طیارے میں 6 افراد سوار تھے تاہم ان کی شناخت ظاہر نہیں کی گئی۔

نیشنل ٹرانسپورٹیشن سیفٹی بورڈ کی جانب سے طیارے کو پیش آنے والے حادثے کی وجوہات جاننے کے لیے تحقیقات کا آغاز کردیا گیا ہے۔

دوسری جانب امریکہ کی فیڈرل ایوی ایشن ایڈمنسٹریشن کے مطابق گرنے والا طیارہ سنگل انجن پائپر پی اے-24 تھا جس میں ٹیک آف کرنے کے بعد ہی آگ لگ گئی تھی۔

لاس ویگاس میں ایف 16 طیارہ گر کر تباہ، پائلٹ ہلاک

خیال رہے کہ گزشتہ ہفتے امریکی شہر لاس ویگاس میں ایف 16 طیارہ گر کر تباہ ہوگیا تھا جس کے نتیجے میں پائلٹ جان کی بازی ہار گیا تھا۔

یاد رہے کہ گزشتہ سال 10 دسمبر2017 کو امریکی ریاست فلوریڈا میں چھوٹا طیارہ گرکرتباہ ہوگیا تھا، حادثے میں پائلٹ سمیت تین افراد ہلاک ہوگئے تھے۔

امریکی فوجی طیارہ گرکر تباہ‘ 16 افراد ہلاک

واضح رہے کہ 11 جولائی 2017 کو جنوبی امریکی ریاست مسی سپی میں امریکی فوجی طیارہ گرکر تباہ ہوگیا تھا جس کے نتیجے میں 16 افراد جان کی بازی ہار گئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں