چترال : لکڑیوں کی اسمگلنگ کے الزام میں 6 گدھوں کو عدالت میں پیش کردیا گیا ، عدالت نے گدھوں کو ٹمبر اسمگلینگ کیس میں مالِ مقدمے کے طور پر طلب کیا تھا۔
تفصیلات کے مطابق پاکستان کی عدالتوں میں ویسے تو انسان پیش ہوتے رہتے ہیں لیکن چترال کی ایک عدالت میں گدھوں کو بھی پیش کردیا گیا۔
ان گدھوں پر یہ الزام تھا کہ یہ چترال کے علاقے دروش میں ٹمبر کی اسمگلنگ میں ملوث تھے۔
اسسٹنٹ کمشنر نے ان پانچ گدھوں کو ٹمبر اسمگلنگ کیس میں مال مقدمہ کے طور پر طلب کیا تھا اور اطمینان کے بعد گدھے اور ٹمبر کے سلیپر محکمہ جنگلات کے حکام کے حوالے کر دیا۔
یاد رہے 18 اکتوبر کو اسسٹنٹ کمشنر کے حکم پر محکمہ جنگلات اور ضلعی انتظامیہ نے اسمگلروں کو پکڑنے کے لیے دروش گول نامی جگہ پر چھاپہ مارا تھا، جہاں مشتبہ اسمگلر گدھے چھوڑ کر فرار ہو گئے تھے۔
