نئی دہلی: بھارت میں رات کی تاریکی میں 6 شیروں نے آبادی پر دھاوا بول دیا، خوش قسمتی سے تمام افراد محفوظ رہے تاہم خونخوار جانوروں نے ایک مویشی کو ہلاک کردیا۔
غیرملکی میڈیا کے مطابق یہ واقعہ بھارتی ریاست گجرات کے ایک گاؤں میں پیش آیا۔ جنگل سے چھ شیر غذا کی تلاش میں گاؤں میں گھس آئے، علاقہ سنسان ہونے کے باعث تمام لوگ شیروں کے حملوں سے محفوظ رہے۔
شیروں نے علاقے میں بندھے ایک گائے پر حملہ کردیا اور چیر پھاڑ کر اپنی بھوک مٹائی۔ محکمہ جنگی حیات کے ماہرین کا کہنا ہے کہ کوئی بھی شخص رات کے پہر شیروں کو دکھ جاتا تو اس کی جان بھی جاسکتی تھی۔
اپنی بھوک مٹانے کے بعد شیر واپس جنگل کی طرف روانہ ہوگئے۔
Sunday Night Party of King Itself 🦁@ParveenKaswan#Lion #Gujarat #Wildlife pic.twitter.com/4rRlkKk5hS
— Ronak Gajjar (@ronakdgajjar) April 13, 2020
