اسکردو: روندو شود پل کے قریب کے قریب کار خوفناک حادثے کا شکار ہوگئی جس کے نیتجے میں 2 افراد جاں بحق ہوگئے۔
تفصیلات کے مطابق اسکردو میں ایک افسوسناک حادثہ پیش آیا ہے جہاں روندو شود پل کے قریب کار حادثے میں 2 افراد جاں بحق ہوگئے، جاں بحق افراد کا تعلق بلتستان سے ہے۔
ریسکیو ذرائع کے مطابق کار اسکردو سے گلگت جارہی تھی، جاں بحق افراد کی لاشیں روندوتھوار اسپتال منتقل کردی گئیں جبکہ جاں بحق افراد کا تعلق بلتستان سے بتایا جارہا ہے۔
مانسہرہ: کار کھائی میں گرنے سے میاں بیوی جاں بحق، ڈیڑھ سالہ بچہ معجزانہ طور پر محفوظ رہا
دوسری جانب اسسٹنٹ کمشنر روندو، گلگلت بلتستان کا کہنا ہے کہ پشاور سے تعلق رکھنے والے سیاحوں کی گاڑی جو تین دن قبل گلگت بلتستان کے ضلع اسکردو سے نکلنے کے بعد لاپتہ ہو گئی تھی، بالآخر بحفاظت مل گئی ہے۔
منگل کو اسسٹنٹ کمشنر روندو، گلگت بلتستان کے جاری کیے جانے والے بیان کے مطابق انتظامیہ کی جانب سے مربوط کوششوں کے باعث گاڑی کا سراغ لگایا جا چکا ہے اور سیاحوں کی گاڑی کو بابوسر ٹاپ کے مقام پر شناخت کر لیا گیا ہے۔
’اہل خانہ کی جانب سے ایڈیشنل ڈپٹی کمشنر روندو اور اسسٹنٹ کمشنر روندو سے براہِ راست رابطہ کیا گیا ہے اور تصدیق کی گئی ہے کہ گاڑی اور اس میں موجود افراد محفوظ ہیں۔‘
ضلعی انتظامیہ تمام سیاحوں سے گزارش کرتی ہے کہ سفر کے دوران اپنی لوکیشن اور منصوبہ بندی سے متعلق معلومات قریبی چیک پوسٹ یا ٹورسٹ پولیس سے شیئر کرتے رہیں تاکہ کسی بھی ہنگامی صورتحال سے بروقت نمٹا جا سکے۔
