اکثر خواتین اپنی جلد کو خوبصورت اور چمکدار بنانے کے لیے مختلف چیزوں کا استعمال کرتی ہیں لیکن آج ہم آپ کو چمکدار اور صحت مند جلد کے لیے ایک آسان اور سستا نسخہ بتائیں گے۔
اے آر وائی ڈیجیٹل کے پروگرام گڈ مارننگ پاکستان میں ہربلسٹ ڈاکٹر بتول نے برائٹننگ فیس ماسک بنانے کا طریقہ بتایا جس کے استعمال سے آپ کے چہرے کی جلد نرم اور چکمدار ہوجائے گی۔
انہوں نے بتایا کہ اس کیلئے کینو کا جوس لونگ اور گلیسرین کی ضرورت ہوگی۔ پہلے فرائنگ پین 8 سے 10 لونگ کو ڈال کر اس کو دو چمچ گلیسرین کے ساتھ اچھی طرح گرم کریں۔ جب اس میں سے خوشبو آنا شروع ہوجائے تو اتار کر اس کا پانی چھان لیں۔
اس کے بعد اس میں ایک چمچ خشک دودھ اور ایک چمچ گڑ شامل کردیں اور آخر میں اس میں 3 چمچ کینو کا جوس ڈال لیں۔ آپ کا برائٹننگ فیس ماسک تیار ہے۔
انہوں نے بتایا کہ اس فیس ماسک کی قیمت 6 سے 8 ہزار روپے ہے جسے ہم نے بہت کم قیمت پر گھر میں ہی بنا لیا۔ اس کو اپنے چہرے پر 20 منٹ تک لگائیں اور سوکھنے کے بعد اسے ٹھنڈے پانی سے دھولیں۔ آپ کا چہرہ خوبصورت چکمدار اور جلد نرم و مالئم ہوجائے گی۔
