کولکتہ: بنگلادیش کے خلاف میچ سے قومی ٹیم کے کپتان شاہد آفریدی کی طبیعت خراب ہوگئی تھی لیکن اب بوم بوم فٹ ہیں اور میچ کھلیں گے۔
قومی کرکٹ ٹیم کل بنگلادیش کے خلاف میچ سے اپنے سفر کا آغاز کرے گی اور قومی ٹیم کی کپتانی شاہد آفریدی ہی کریں گے اس سے پہلے یہ خبریں گردش کررہی تھیں کہ کپتان شاہد آفریدی کو ہلکے بخار کی شکایت ہے جس کی وجہ سے وہ پریکٹس سیشن میں بھی حصہ نہ لے سکے جب کہ قومی ٹیم بنگال ٹائیگرز سے ایشیا کپ میں شکست کا بدلہ لینے کے لئے بھرپور پریکٹس میں مصروف ہیں۔
ٹی ٹوئنٹی سپہ سالار کے بغیرقومی کھلاڑیوں نے ایڈن گارڈنز میں پریکٹس کی اورکپتان نے ہوٹل میں آرام کیا، بخارکے باعث آفریدی پری میچ کانفرنس میں بھی نہ آئے اور ہیڈ کوچ کویہ ذمہ داری انجام دیناپڑی۔
تاہم ٹیم مینجر انتخاب عالم کا کہنا ہے کہ آفریدی کی طبیعت اب ٹھیک ہے، بخار اتر گیا ہے، بنگلادیش کے خلاف میچ میں ٹیم کا حصہ ہوں گے۔