The news is by your side.

Advertisement

نیند سے متعلق جانوروں میں انسانوں جیسی حیران کن عادات

انسانوں اور جانوروں کا رشتہ ایک اٹوٹ رشتہ ہے جو زمین پر ہماری بقا کے لیے بے حد ضروری ہے۔ اگر انسان نہ ہوں تو جانور زمین پر رہ سکتے ہیں، لیکن اگر جانور اور جنگلی حیات نہ ہو تو انسان کا وجود خطرے میں پڑجائے گا۔

انسان اپنی غذائی ضروریات پوری کرنے کے لیے بالواسطہ یا بلا واسطہ جانوروں کا محتاج ہے۔ یہی نہیں انسانوں کی جان بچانے اور نئی دواؤں کے تجربات کرنے کے لیے پہلے جانوروں کو ہی استعمال کیا جاتا ہے اس کے بعد اسے انسانوں پر آزمایا جاتا ہے۔

اسی لیے آج ہم آپ کو جانوروں کی نیند سے متعلق کچھ انوکھے اور حیرت انگیز حقائق بتانے جارہے ہیں جو انسانوں سے مماثلت رکھتے ہیں۔ ان میں کچھ جانور پالتو بھی ہیں جو ہم میں سے اکثر افراد کے گھر موجود ہوتے ہیں۔


جانوروں میں نیم خوابی

نیم خوابی وہ حالت ہے جس میں نہ آپ مکمل طور پر سو سکتے ہیں اور نہ مکمل طور پر جاگے ہوئے ہوتے ہیں۔

ماہرین کے مطابق نیم خوابی کے مرض کا شکار افراد کئی طبی مسائل کا شکار ہوجاتے ہیں کیونکہ ان کی نیند پوری نہیں ہوتی اور وہ صبح اٹھنے کے بعد بھی خود کو سست اور تھکا ہوا محسوس کرتے ہیں۔

جرنل سلیپ میں شائع ہونے والی ایک تحقیق کے مطابق صرف انسان ہی نہیں بلکہ کتے اور چوہے بھی اس مرض کا شکار ہوسکتے ہیں۔

تو اگر کسی روز آپ کو اپنا پالتو کتا سست سا نظر آئے تو جان لیں کہ وہ رات میں ٹھیک طرح سے سو نہیں پایا۔


بطخوں کو نئی جگہ پر سونے میں مشکل

ہم میں سے بعض افراد کسی نئی جگہ یا نئے ماحول میں ٹھیک سے سو نہیں پاتے۔

ایسا اس لیے ہوتا ہے کہ نئی جگہ پر سوتے ہوئے ہمارے دماغ کا ایک حصہ غیر ارادی طور پر کسی بھی خطرے سے نمٹنے کے لیے تمام رات چاک و چوبند رہتا ہے لہٰذا ہم رات میں بھرپور نیند نہیں لے پاتے، اور ذرا سی آہٹ پر چونک کر اٹھ جاتے ہیں۔

آپ کو یہ جان کر حیرت ہوگی کہ نیند میں اس خلل کا شکار معصوم بطخیں بھی ہوتی ہیں۔ انہیں بھی نئی جگہ اور نئے ماحول سے مطابقت کرنے خصوصاً خود کو سونے کے لیے تیار کرنے میں کچھ وقت درکار ہوتا ہے۔


پرندوں کو قیلولہ کی ضرورت

جس طرح ہمیں آدھا دن بھرپور کام کرنے کے بعد تھکن کا احساس ہوتا ہے اور قیلولے کی ضرورت پڑتی ہے اسی طرح پرندوں کو بھی اس کی ضرورت ہوتی ہے۔

قیلولہ صرف انسانوں کو ہی نہیں بلکہ دیگر ممالیہ جانوروں کو بھی درکار ہوتا ہے۔


محو خواب ممالیہ جانور

آپ کو یہ جان کر حیرت ہوگی کہ صرف انسان ہی واحد ممالیہ جاندار نہیں جو خواب دیکھتا ہے۔ دیگر کئی ممالیہ جانور بھی خواب دیکھتے ہیں جن میں وہ زیادہ تر اپنی پسندیدہ کھانے کی اشیا دیکھتے ہیں۔

مزید پڑھیں: کتے خواب میں کیا دیکھتے ہیں؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں