The news is by your side.

پاک نیدرلینڈز میچ میں عمران خان کے حق میں نعرے لگ گئے

روٹرڈیم: پاکستان اور نیدرلینڈز کے درمیان جاری پہلے ایک روزہ میچ میں سابق وزیراعظم عمران خان کے حق میں نعرے لگ گئے۔

میڈیا رپورٹ کے مطابق پاکستان اور نیدرلینڈز کے درمیان جاری ون ڈے میچ میں شائقین پی ٹی آئی کے جھنڈے لے کر اسٹیڈیم پہنچ گئے، گراؤنڈ میں بیٹھے تماشائیوں نے سابق وزیراعظم عمران خان کے حق میں جبکہ حکومت مخالف نعرے لگائے۔

اسٹیڈیم آنے والے شائقین کے امپورٹڈ حکومت نامنظور اور کون بچائے گا پاکستان عمران خان کے نعرے بھی لگائے۔

تماشائیوں نے وزیرداخلہ راناثنااللہ اور حمزہ شہباز کے خلاف بھی نعرے لگائے۔

شائقین کرکٹ نے اسٹیڈیم میں پاکستان کے نمبر ون نیوز چینل اے آر وائی کے حق میں بھی نعرے لگائے، تماشائیوں کا کہنا تھا کہ اے آر وائی نیوز کی بندش نامنظور ہے چینل کو فوری بحال کیا جائے۔

خیال رہے کہ اس سے قبل 2017 میں بھی پی ایس ایل کے فائنل کے دوران قذافی اسٹیڈیم میں گو نواز گو کے نعرے لگے تھے۔

Comments

یہ بھی پڑھیں