حافظ نعیم نے ملک بھر میں انٹرنیٹ کی سست رفتاری پر تشویش کا اظہار کرتے ہوئے کہا ہے کہ لاکھوں لوگوں کا روزگار اس سے وابستہ ہے۔

جماعت اسلامی کے امیر حافظ نعیم الرحمان کا کہنا تھا کہ پاکستان گلوبل فری لانسنگ انڈسٹری کا اہم ترین رکن ہے، آج لاکھوں افراد فری لانسنگ کے شعبے سے وابستہ ہیں، انٹرنیٹ کی سست رفتاری باعث تشویش ہے۔

انھوں نے کہا کہ یہی افراد سالانہ 400 ملین ڈالرز سے زائد کا زرمبادلہ لاتے ہیں، ہماری آئی ٹی برآمدات پہلی بار بمشکل 3 ارب ڈالرز تک پہنچی ہیں۔

امیر جماعت اسلامی حافظ نعیم الرحمان کا کہنا تھا کہ یہ سب کامیابیاں اپنی مدد آپ کے تحت کسی حکومتی سرپرستی کے بغیر ہیں۔

انھوں نے کہا کہ مشکلات کے باوجود یہی افراد ملک میں ڈالرز لانے کی کوشش کررہے ہیں، انٹرنیٹ کی سست رفتار ان کے راہ کی رکاوٹ بن رہی ہے۔