میری لینڈ: امریکی ریاست میری لینڈ میں طیارہ رہائشی عمارت پر گر کر تباہ ہوگیا جس کے نتیجے میں پائلٹ ہلاک ہوگیا۔
غیرملکی خبررساں ادارے کی رپورٹ کے مطابق امریکی ریاست میری لینڈ میں دوپہر 3 بجے چھوٹا طیارہ گھر پر گر کر تباہ ہوگیا جس کے نتیجے میں پائلٹ ہلاک ہوگیا۔
پرنس جارج کاؤنٹی کے فائر فائٹرز کے ترجمان مارک بریڈی نے کہا کہ طیارے گھر کر تباہ ہوا خوش قسمتی سے گھر کے اندر کوئی موجود نہیں تھا۔
انہوں نے کہا کہ طیارہ ٹیک آف کے کچھ دیر بعد گر کر تباہ ہوا جس کے نتیجے میں طیارے میں آگ بھڑک اٹھی۔
Plane Crash final U/D from #PGFD just before 3 pm small aircraft struck attached carport of single family home then struck automobile with both plane & car catching fire. Small fire in house attic. Home was not occupied. 1 person on plane declared deceased on scene. pic.twitter.com/TuLBDHVFGd
— Mark Brady (@PGFDPIO) December 29, 2019
مزید پڑھیں: امریکا، چھوٹا طیارہ گھر پر گر کر تباہ، پائلٹ ہلاک
رپورٹ کے مطابق طیارہ ایئرپورٹ سے 2 میل کے فاصلے پر گر کر تباہ ہوا، فوری طور پر ہلاک ہونے والے پائلٹ کی شناخت نہیں ہوسکی ہے۔
نیشنل ٹرانسپورٹیشن سیفٹی بورڈ نے طیارہ اے اے 5 کے گرنے کی تحقیقات کا آغاز کردیا ہے.
واضح رہے کہ گزشتہ ماہ امریکی ریاست کیلی فورنیا میں چھوٹا طیارہ گھر پر گر کر تباہ ہوگیا تھا جس کے نتیجے میں پائلٹ ہلاک ہوا تھا۔
حادثے کے وقت باپ اپنے شیرخوار بچے کے ساتھ گھر پر موجود تھا جو معجزانہ طور پر محفوظ رہے۔
فائر فائٹرز نے جائے وقوعہ پر پہنچ کر طیارے میں لگی آگ پر قابو پایا اور امدادی کارروائیوں کے بعد طیارے کے ملبے کو ہٹادیا گیا تھا۔