جانوروں میں بندر وہ واحد جانور ہے جس کی ذہانت کے قصّے مشہور ہیں اور یہ بھی کہا جاتا ہے کہ بندر انسانی عادات کو دیگر کے مقابلے میں بہت جلد اپنا لیتا ہے۔
سوشل میڈیا پر وائرل ہونے والی ویڈیو دراصل ایک ذہین ہاتھی کی ہے جس نے انسانی طریقے پر عمل کرتے ہوئے درخت پر لگے جنگلی پھل کو توڑا اور اپنی بھوک مٹائی۔
بھارت کے محکمہ جنگلات کے سروسز آفیسر پروین کسوان نے سماجی رابطے کی ویب سائٹ ٹویٹ پر ہاتھی کی ویڈیو شیئر کی جس میں وہ بلندی پر لگے پھل کو توڑنے کا مظاہرہ کررہا ہے۔
ویڈیو میں دیکھا جاسکتا ہے ہاتھی جنگلی پھل ’جیک فروٹ‘ کے درخت کے قریب پہنچا اور اُس نے اپنی سونڈ سے اُسے توڑنے کی کوشش کی مگر بلندی پر ہونے کی وجہ سے وہ ناکام رہا۔
This #elephant got talent. Climbing a tree for #Jackfruit, which they love a lot. And he is eating it so nicely. Elephants can smell ripening jackfruits from quite a distance which many a times bring them close to human habitations. pic.twitter.com/19bDvD4Sn9
— Parveen Kaswan, IFS (@ParveenKaswan) November 11, 2019
بعد ازاں ہاتھی نے انسانی طریقہ اپنایا اور تھوڑی سی اوپر چھلانگ لگا کر جیک فروٹ کو سونڈ میں پھنسا کر توڑا۔ پروین کسوان نے لکھا کہ ہاتھی نے بہت مزے سے اس پھل کو کھایا۔