site
stats
ماحولیات

سورج مکھی کی طرح سورج کا تعاقب کرتا شمسی پینل

توانائی کے تیزی سے گھٹتے وسائل کے باعث دنیا بھر میں اب قابل تجدید اور ماحول دوست توانائی کے ذرائع پر کام کیا جارہا ہے اور اس سلسلے میں شمسی توانائی گو کہ مہنگا ذریعہ ہے، تاہم ماحول دوست اور نہایت فائدہ مند ہے۔

حال ہی میں ماہرین نے شمسی توانائی کے ایسے پینل بنائے ہیں جو سورج مکھی کے پھول کی طرح سورج کا تعاقب کریں گے اور اس سے روشنی حاصل کر کے توانائی پیدا کریں گے۔

solar-2

اسمارٹ فلاور

اسمارٹ فلاور نامی یہ پینل عام شمسی پینلوں سے 40 فیصد زیادہ توانائی پیدا کرنے کی صلاحیت رکھتے ہیں۔

یہ پینل خود بخود کھلنے اور بند ہونے کی صلاحیت رکھتے ہیں۔ سورج نکلتے ہی یہ کھل کر پھیل جاتے ہیں اور دن بھر سورج کی حرکت کے ساتھ ساتھ گردش کرتے ہیں۔ سورج ڈھلتے ہی یہ خود کار طریقے سے بند ہوجاتے ہیں۔

solar-4

اسی طرح بادلوں، تیز ہوا یا بارش کے وقت بھی یہ خود ہی بند ہوجاتے ہیں۔

سائنسدانوں کا کہنا ہے کہ اس شمسی پھول کا خیال قدرتی پھولوں سے اخذ کیا گیا ہے۔ پھول بھی سورج سے توانائی حاصل کر کے اپنی غذا بناتے ہیں جسے فوٹو سینتھسس کا عمل کہا جاتا ہے۔

solar-3

یہ شمسی پھول فی الحال تجرباتی مراحل میں ہے اور بہت جلد اسے عام افراد کے لیے پیش کردیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top