The news is by your side.

Advertisement

پشاور کے4 علاقوں میں اسمارٹ لاک ڈاؤن نافذ

پشاور: ڈپٹی کمشنر پشاور نے کہا کہ پشاور کے 4 علاقوں میں اسمارٹ لاک ڈاؤن نافذ کر دیا گیا ہے۔

تفصیلات کے مطابق ڈپٹی کمشنر پشاور نے صوبائی دارالحکومت کے 4علاقوں میں اسمارٹ لاک ڈاؤن نافذ کرنے کا نوٹیفکیشن جاری کر دیا۔اسمارٹ لاک ڈاؤن اشرفیہ کالونی، چنار روڈ یونیورسٹی ٹاؤن، دانش آباد اور سیکٹر ای ٹو فیز ون حیات آباد میں لگایا گیا ہے۔

ڈپٹی کمشنر پشاور کا کہنا ہے کہ اسمارٹ لاک ڈاؤن کے دوران ان علاقوں سے آنا جانا بند رہےگا،علاقوں میں تیزی سے پھیلتے کیسز کی وجہ سے اسمارٹ لاک ڈاؤن لگایاگیا۔

انہوں نے بتایا کہ اسمارٹ لاک ڈاؤن کے دوران جنرل،میڈیکل اسٹور، تندور، ایمرجنسی سروس کی دکانیں کھلی رہیں گی،علاقوں کی مساجد میں صرف 5 افراد کو باجماعت نماز پڑھنے کی اجازت ہوگی۔

کرونا سے پاکستان میں مزید 97 افراد جاں بحق

واضح رہے کہ گزشتہ چوبیس گھنٹوں کے دوران ملک بھر میں مزید 97 افراد کرونا انفیکشن کا شکار ہو کر جاں بحق ہو گئے جبکہ 5,248 نئے کیسز سامنے آئے۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 144,478 افراد متاثر ہو چکے ہیں، جب کہ اموات کی تعداد 2,729 ہو گئی ہے۔

Comments

یہ بھی پڑھیں