The news is by your side.

Advertisement

کرونا کے بڑھتے وار: شہر قائد کے مزید علاقوں میں اسمارٹ لاک ڈاؤن نافذ

کراچی: شہر قائد کے ضلع وسطی میں کرونا کے بڑھتے کیسز کے باعث مقامی انتظامیہ نے کرونا اسمارٹ لاک ڈاؤن کا نفاذ کردیا ہے۔

ملک بھر میں کرونا وبا کی تیسری لہر کی تباہ کاریاں جاری ہیں، صوبہ پنجاب اور کے پی میں عالمی وبا کی تیسری لہر کے باعث کیسز اور اموات میں تیزی سے اضافہ ہورہا ہے تاہم سندھ اور بلوچستان میں حالات ان صوبوں کی نسبت بہتر ہیں، مقامی انتظامیہ کرونا کے بڑھتے کیسز سے بچاؤ کے لئے بروقت اہم فیصلے کررہی ہے

ایسا ہی فیصلہ کراچی کے ضلع وسطی کے لئے کیا گیا ہے جہاں نارتھ کراچی، نارتھ ناظم آباد اور گلبرگ کی مختلف یوسیز میں مائیکرواسمارٹ لاک ڈاون کا نفاذ کیا گیا ہے اور اس کا نوٹی فیکیشن بھی جاری کردیا گیا ہے۔

جاری نوٹی فیکیشن کے مطابق ڈی ایچ او کی جانب سے ہاٹ اسپاٹ کی نشاندہی کے بعد اسمارٹ لاک ڈاؤن کا فیصلہ کیا گیا، متاثرہ علاقوں کے لوگوں کی غیر ضروری نقل وحرکت پرپابندی عائد کردی گئی ہے جبکہ ان علاقوں میں ڈبل سواری کو ممنوع قرار دیا گیا ہے۔

اسمارٹ لاک ڈاؤن سے متعلق جاری نوٹی فیکیشن کے مطابق ان علاقوں میں تمام کاروباری اور صنعتی سرگرمیاں معطل رہیں گی، متاثرہ علاقوں میں فیملی اجتماع پر پابندی ہوگی جبکہ متاثرہ علاقوں کےکرونا مثبت افراد اپنےگھروں میں قرنطینہ رہیں گے

یہ بھی پڑھیں:  کورونا کے بڑھتے ہوئے کیسز: کراچی کے مزید علاقوں میں لاک ڈاؤن نافذ

نوٹی فیکیشن کے مطابق علاقوں میں اشیائے ضروریہ کی فراہمی کے لئے حکومت راشن تقسیم کرنےکےہر ممکن اقدامات کرےگی۔

اس سےقبل بھی ضلع وسطی کے مختلف علاقوں میں ڈسٹرکٹ ہیلتھ افسر کی جانب سے ہاٹ اسپاٹ کی نشاندہی پر اسمارٹ لاک ڈاؤن نافذ کیا گیا تھا، اسمارٹ لاک ڈاؤن نارتھ کراچی، نارتھ ناظم آباد، گلبرگ ، لیاقت آباد کی5یوسیز میں لگایاگیا تھا۔

اس کے علاوہ کراچی کے ضلع کورنگی میں بھی کرونا کے بڑھتے کیسز کے پیش نظر کئی یوسیز میں اسمارٹ لاک ڈاؤن نافذ کیا جاچکا ہے۔

Comments

یہ بھی پڑھیں