اسلام آباد : وفاقی دالحکومت اسلام آباد میں کورونا کے پھیلاؤ کے باعث مزید 6 علاقوں میں اسمارٹ لاک ڈاؤن نافذ کردیا گیا۔
تفصیلات کے مطابق وفاقی دارالحکومت اسلام آباد میں کرونا وائرس پھر پھیلنے لگا، وائرس کے پھیلاو کے باعث ضلعی انتظامیہ نے چھ علاقوں میں اسمارٹ لاک ڈاون نافذ کر دیا گیا۔
ڈپٹی کمیشنر نے اسمارٹ لاک ڈاون کا نوٹیفکیشن جاری کر دیا ہے، جس میں کہا گیا ہے کہ میڈیا ٹاون اے بلاک کی گلی نمبر15،بحریہ ٹاون فیز فور کی گلی نمبر 10، ریور گارڈن گلی نمبر 15 میں سمارٹ لاک ڈاون نافذ کر دیا گیا ہے۔
سمارٹ لاک ڈاون والے علاقوں میں سیکٹر ای سیون کی گلی نمبر5 ،کورنگ ٹاون کی گلی نمبر 5 اور جھنگی سیداں کشمیری محلہ کی گلی نمبر 10 میں شامل ہیں۔
خیال رہے پاکستان میں کورونا کی چوتھی لہر کی شدت بڑھنے لگی ہے ، چوبیس گھنٹے کے دوران انیس سو اسی نئے کیسز رپورٹ ہوئے اور مثبت کیسزکی شرح چار فیصد سےبڑھ گئی جبکہ وائرس چوبیس افراد کی جان لے گیا۔
