ایتھوپیا، دہکتے آتش فشاں کے سلگتے لاوے میں مسکراتا چہرہ volcano
The news is by your side.

Advertisement

دہکتے آتش فشاں کے سلگتے لاوے میں مسکراتا چہرہ

ایتھوپیا : آتش فشاں دہکتے شعلوں اور سلگتے انگاروں کا نام ہے جو خوف کی علامت اور تباہی کا باعث ہوتا لیکن فوٹو گرافر نے ان لمحات میں سے بھی ایک دل آویز منظر اپنے کیمرے میں محفوظ کرلیا.

برطانوی فوٹو گرافر کرسٹوفر ہارسیلی کی تخلیقی نظر نے آگ اور دھواں اگلے آتش فشاں میں سلگتے انگاروں سے بنے مسکراتے چہرے کی شبیہ کو محفوظ کر کے سب کو خوشگوار حیرت مین مبتلا کردیا.

 

یہ شاہکار تصویر ایتھوپیا کے دور دراز علاقے میں واقعے ایک آتش فشاں کے پھٹنے کے دل دہلانے والے مناظر کی عکاسی کرتے ہوئے لی گئی جس نے شائقین آتش فشاں کے ایک نئے انداز سے متعارف کرایا.

ناقابل برداشت درجہ حرارت اور سلگتے لاوے کے آتش فشاں سے باہر نکلنے کے دوران ہونے والی ہلکی پھلکی بارش نے کہیں کہیں اس لاوا کو ٹھندا کردیا جس سے لاوے میں آنکھیں اور مسکراتے ہونٹ کی شبیہ نمودار ہوئی جسے فوٹو گرافر نے پلک جھپکتے کیمرے میں محفوظ کرلیا.

 

بہ شکریہ سی جی ٹی این

ایک ہفتے قبل لی گئی اس تصویر نے جلد ہی پوری دنیا میں دھوم مچا دی اور شائقین نے تعجب اور تذبذب کے ساتھ اسے پذیرائی بخشی جب کہ سوشل میڈیا پر بھی یہ تصاویر صارفین کی توجہ حاصل کرنے میں کامیاب ہو گئیں.

Comments

comments

یہ بھی پڑھیں