The news is by your side.

Advertisement

یوگا کے ذریعے تمباکو نوشی سے کیسے نجات پائی جاسکتی ہے؟

کراچی : ایک رپورٹ کے مطابق پاکستان میں ہر تیسرا شخص تمباکو نوشی کی لت میں مبتلا ہے جن میں اکثریت نوجوانوں کی ہے، اس بری عادت کی ابتدا پہلے تو شوق یا فیشن سے ہوتی جو بعد میں ضرورت بنتی چلی جاتی ہے۔

بہت سے لوگ اس لت سے چھٹکارا پانے کیلئے طرح طرح کے جتن کرتے ہیں لیکن قوت ارادی کی کمی اور دیگر وجوہات کی بنا پر وہ سگریٹ نوشی  سے جان نہیں چھڑا پاتے۔

لیکن ایسے بھی بہت سے لوگ ہمیں نظر آتے ہیں جو کامیابی سے سگریٹ نوشی ترک کر چکے ہیں اور یہی لوگ زیادہ بہتر اور لمبی زندگی سے لطف اندوز ہوتے ہیں۔

ایک تحقیق کے مطابق یوگا کی مشق سے تمباکو نوشی کے عادی افراد کے لیے اس لت سے چھٹکارا پانا آسان ہوجاتا ہے چاہے آپ اسے چھوڑنے کی کوشش نہ بھی کر رہے ہو۔

اس حوالے سے اے آر وائی نیوز کے پروگرام باخبر سویرا میں یوگا ماسٹر سید منور حسن نے ایسی ورزشیں بتائیں جو  سگریٹ نوشی سے چھٹکارا پانے میں انتہائی مددگار ثابت ہوسکتی ہیں۔

منور حسن نے بتایا کہ سگریٹ پینے سے ہمارے جسم میں بے حد نقصان دہ اجزاء شامل ہوجاتے ہیں اس سے بچنے کیلئے بہترین ورزش انتہائی کارآمد ہے۔

انہوں نے بتایا کہ نکوٹین کی طلب میں اس وقت کمی آجاتی ہے جب ورزش کی جا رہی ہوتی ہے کیونکہ جسمانی مشقت کے دوران دماغ سیروٹینین اور ڈوپامائن جیسے کیمیکل خارج کرتا ہے جو خوشی اور راحت کے احساس کو بڑھاتے ہیں۔

منور حسن کا کہنا تھا کہ یوگا کی مشق ذہن کو تناؤ اور پریشانیوں کو دور رکھنے میں بھی مددگار ثابت ہوتی ہے۔ اس موقع پر انہوں نے یوگا کی چند مشقیں بھی کرکے دکھائیں جس سے سگریٹ نوشی سے بچنا بہت آسان ہے۔

Comments

یہ بھی پڑھیں