اسلام آباد : سیلاب متاثرین کی مدد کے لئے وزیراعظم فلڈ ریلیف میں عطیات جمع کرانے کے لئے ایس ایم ایس سروس متعارف کرادی گئی۔
تفصیلات کے مطابق سیلاب متاثرین کی مدد کے لیے وزیراعظم فلڈریلیف فنڈ کا شارٹ کوڈ 9999 جاری کردیا گیا۔
اس حوالے سے پاکستان ٹیلی کام اتھارٹی نےباضابطہ نوٹیفکیشن جاری کر دیا ، موبائل فون سےفنڈ لکھ کر 9999پرایس ایم ایس بھیج کر 10 روپے عطیہ کرسکتے ہیں۔
پی ٹی اے کا کہنا ہے کہ تمام آپریٹرز جمع ہونے والے عطیات سے این ڈی ایم اے کو مطلع کریں گے۔
یاد رہے وزیراعظم نےسیلاب متاثرین کےلئےوزیراعظم فلڈریلیف فنڈ 2022 قائم کیا تھا ، عوام وزیراعظم فلڈ ریلیف فنڈاکاؤنٹ نمبرجی- 12164 میں عطیات جمع کرا سکتے ہیں۔
گذشتہ روز پاک فوج کے افسران اور وفاقی کابینہ کے ارکان نے سیلاب متاثرین کی امداد کے لیے ایک ماہ کی تنخواہ عطیہ کی تھی۔
