کراچی: سی ٹی ڈی انٹیلیجنس ونگ نے اسکول بیگ میں اسلحے کی کھیپ اسمگل کرنے کی کوشش ناکام بنادی۔
سی ٹی ڈی انٹیلیجنس ونگ کی کے ایم سی اسپورٹس کپملیکس کے قریب کارروائی کرتے ہوئے اسکول بیگ میں اسلحے کی کھیپ اسمگل کرنے کی کوشش ناکام بنادی کارروائی کے دوران کے پی کے پولیس کا حاضر سروس کانسٹیبل کو گرفتار کرلیا۔
انچارج سی ٹی ڈی راجہ عمر خطاب کے مطابق ملزم ظہرالدین کے اسکول بیگ سے چھوٹے ہتھیار برآمد ہوئے گرفتار ملزم کا تعلق بین الصوبائی اسلحہ اسمگلنگ گروہ سے ہے گروہ کراچی سمیت پاکستان میں آن لائن اسلحہ سپلائی کرتا ہے ملزم کے پی کے بس اڈے کے منشی دانیال کے لیے کام کرتا ہے۔
راجہ عمر خطاب نے کہا کہ دانیال اسلحہ ڈیلرز قدیر، صدام اور ندیم اینڈ سنز کا مرکزی کارندہ ہے، گرفتار ملزم اظہرالدین کے قبضے سے کے پی کے پولیس کا کارڈ برآمد ہوا ملزم پہلے بھی کراچی میں اسلحے کی سپلائی کرکے جاچکا ہے۔
انچارج سی ٹی ڈی نے کہا کہ آئی جی سندھ کی جانب سے آرمزٹریفکنگ اینڈ مانیٹرنگ ڈیسک بنایا گیا تھا، سی ٹی ڈی کا خصوصی ڈیسک مکمل مانٹیرنگ کرتا ہے کے پی کے میں تین اسلحہ ڈیلر بھاری ہتھیار اب تک کراچی بھیج چکے ہیں سی ٹی ڈی گروہ کے دو ملزمان کو پہلے بھی گرفتار کرچکی ہے اسلحہ اسمگلنگ میں زیادہ ترریٹائرڈ یا ڈسمس ایف سی اہلکار ملوث ہیں۔
انچارج سی ٹی ڈی راجہ عمر خطاب کے مطابق شہری آن لائن آرڈر بک کرواتے ہیں، ڈیلیوری دانیال منشی کرواتا ہے دانیال آنے جانے کا کرایہ اور فی پستول معاوضہ ادا کرتا ہے ملزمان کراچی آکر پارٹی کے ہاتھ میں اسلحہ دیتے ہیں اور واپس آجاتے ہیں گرفتار ملزم کو سی ٹی ڈی منتقل کردیا گیا ہے مذید تفتیش کا عمل جاری ہے۔
