کراچی: لاہور ایئرپورٹ پر کینسر کی ادویات اسمگل کرنے والے ایک شخص کو اس کے ساتھی ملازم سمیت گرفتار کر لیا گیا ہے۔
تفصیلات کے مطابق علامہ اقبال انٹرنیشنل ایئرپورٹ پر کسٹمز حکام نے ایک کارروائی میں کینسر ادویات کے اسمگلر کو اس کے ملازم ساتھی سمیت گرفتار کر لیا۔
ذرائع کا کہنا ہے کہ پکڑی جانے والی کینسر ادویات کی مالیت 20 کروڑ روپے ہے، ملزم نوید شہزاد غیر ملکی ادویات لے کر استنبول سے لاہور پہنچا تھا، جسے کسٹمز حکام نے سہولت کار سمیت گرفتار کر لیا۔
گرفتار ملزمان کے موبائل سے آن لائن رشوت کی منتقلی بھی ثابت ہو گئی ہے، کسٹمز حکام نے دونوں ملزمان سے تفتیش شروع کر کے تمام ادویات ضبط کر لی ہیں۔
Comments
- Advertisement -
