نئی دہلی : بھارت میں بے زبان جانوروں کے ساتھ سفاکیت کا ایک ایسا واقعہ پیش آیا ہے جسے دیکھ کر سخت دل رکھنے والا انسان بھی اپنے آنسو نہ روک سکے۔
بھارتی ریاست ہریانہ میں پولیس نے گائیوں کی اسمگلنگ میں ملوث ملزمان کو گرفتار کیا ہے جنہوں نے گرفتاری سے بچنے کیلئے جانروں پر ذرا بھی رحم نہ کیا۔
بھارتی میٖڈیا کے مطابق ہریانہ پولیس نے ہفتہ کے روز ڈرامائی طور پر22 کلومیٹر طویل سڑک پر تیز رفتاری سے پیچھا کرنے کے بعد پانچ ملزمان کو گرفتار کیا ہے۔
پولیس نے بتایا کہ سات میں سے دو گائیں تیز رفتار ٹرک سے گر کر زخمی ہوگئیں تاکہ ان کا پیچھا کر رہی ایس یو وی کو گرا دیا جاسکے۔
Earlier today, Gau Rakshak's caught "Cattle Smugglers" in #Gurugram, smugglers threw the cow from running vehicle. pic.twitter.com/7eXyba1PRj
— Nikhil Choudhary (@NikhilCh_) April 9, 2022
ملزمان پر الزام ہے کہ انہوں نے گائیوں کی اسمگلنگ کے دوران گرفتاری سے بچنے کیلئے پولیس پر گولی چلائی، اور گائیوں کو چلتے ٹرک سے نیچے پھینک دیا۔
پولیس نے بتایا کہ سات میں سے دو گائیں تیز رفتار ٹرک سے گر کر زخمی ہوگئیں، گائیوں کو مبینہ طور پر ذبح کرنے کے لیے دہلی سے میوات اسمگل کیا جا رہا تھا۔
ملزمان کا تیز رفتاری سے پولیس تعاقب کی یہ ویڈیو اب سوشل میڈیا پر وائرل ہوچکی ہے اور اسے اب تک 47 ہزار سے زیادہ لوگ دیکھ چکے ہیں۔
مذکورہ ویڈیو میں دیکھا جاسکتا ہے کہ ملزمان کو اپنے ٹرک کو پھٹے ہوئے ٹائروں سے چلاتے اور جانوروں کو تیز رفتار گاڑی سے باہر پھینکتے ہوئے دیکھا جا سکتا ہے کیونکہ پولیس ان کا تعاقب کررہی تھی۔
بعد ازاں پولیس نے ملزمان کے قبضے سے دیسی ساختہ پستول اور گولیاں برآمد کی ہیں، ملزمان کیخلاف مقدمہ درج کرکے مزید تفتیش کی جارہی ہے۔
واضح رہے کہ ہریانہ میں گائے کی اسمگلنگ کے خلاف سخت قوانین لاگو ہیں، ریاستی حکومت نے گائے کے تحفظ کے لیے ایک کمیشن بھی تشکیل دیا ہے لیکن ان اقدامات کے باوجود ریاست میں گائے کی اسمگلنگ بڑھتی جارہی ہے۔