The news is by your side.

Advertisement

بچے کے کھلونے سے 14 سانپ نکل آئے، خوفناک منظر

نئی دہلی: بھارت میں ایک گھر میں بچے کے کھلونے سے 14 سانپ نکل آئے جنہوں نے پورے محلے کو خوفزدہ کردیا۔

بھارتی میڈیا کے مطابق یہ خوفناک واقعہ ریاست تلنگانہ میں پیش آیا جہاں سریندر نامی شخص کو اپنے گھر کے بیڈ روم میں 14 سانپ نظر آئے۔

بھارتی میڈیا رپورٹ کے مطابق بیڈ روم میں بچوں کے کھیلنے کا ایک کھلونا رکھا تھا، صفائی کے دوران اس کھلونے کو ہٹایا گیا تو وہاں سے ایک سانپ کا بچہ نکلا۔

بعد ازاں ایک ایک کر کے اس میں سے 14 سانپ نکلے جنہیں دیکھ کر گھر والوں کی سٹی گم ہوگئی اور وہ خوفزدہ ہو کر گھر سے باہر نکل آئے۔

اس کے بعد اہل خانہ نے پڑوسیوں کی مدد سے سانپوں کو لاٹھیوں سے مار دیا، سانپوں کا ڈھیر نکلنے پر پڑوسی بھی خوفزدہ تھے۔

سریندر کا کہنا ہے کہ انہیں کوئی علم نہیں کہ یہ سانپ کس طرح گھر میں داخل ہوئے، انہوں نے متعدد بار حکام کو اس حوالے سے اطلاع دی لیکن ان کی جانب سے کوئی کارروائی نہ ہونے پر انہوں نے خود ہی سانپوں کو مار دیا۔

Comments

یہ بھی پڑھیں