چھینکنا طبی لحاظ سے ایک فائدے کی بات ہے لیکن چھینکنے کے ساتھ ساتھ ایک نفسیاتی علامت بھی ہے جو ہماری چھپی شخصیت کی عکاسی کرتی ہے۔
چھینکنے سے پہلے اس بات لازمی خیال رکھیں کہ آپ کا یہ انداز آپ کی شخصیت کا تعین کرسکتا ہے کیونکہ چھینکتے ہوئے لاکھ کوشش کے باوجود آپ خود پر قابو نہیں پاسکتے۔
اس حوالے سے امریکہ میں ہونے والی ایک تحقیق کے مطابق زور دار اور بلند آواز سے چھینکنے والے لوگ ملنسار اور دوستانہ رویہ رکھنے والے ہوتے ہیں۔
تحقیق کے مطابق چھینکنے کے مختلف انداز آپ کی شخصیت کے چھپے راز ظاہر کرتے ہیں۔ تحقیق میں مزید بتایا گیا ہے کہ صاف گو اور دوستانہ رویہ رکھنے والے لوگ کھل کر بلند آواز میں چھینکتے ہیں جبکہ شرمیلے افراد سانسوں کے ساتھ اسے روکنے کی کوشش کرتے ہیں۔
رپورٹ میں واضح کیا گیا کہ انسانی چھینک بھی قہقہوں اور ہنسی کی طرح ہوتی ہے، کچھ لوگ زوردار آواز میں ہنسنے اور قہقہے لگانے کے عادی ہوتے ہیں تو کچھ دبی دبی ہنسی یا مسکراہٹ پر ہی اکتفا کر لیتے ہیں۔
لہٰذا چھینکیے اور کھل کر چھینکیے تاکہ لوگ آپ کی شخصیت سے متاثر ہوں اور آپ کے حلقہ احباب میں مزید وسعت پیدا ہو۔
